How To Do Eco Friendly Gift Wrapping For Diwali Celebration

By Kishan Dave

November 2, 2021

જો દર વખતની જેમ જ તમે દિવાળી ઉજવાતા હોય તો આ દિવાળી પ્રકૃતિ સાથે કેમ ન ઉજવાય. જો તમે પહેલેથી જ ગિફ્ટ રેપિંગની ટકાઉ અને ઇકો-ફ્રેન્ડલી રીતો શોધી રહ્યાં છો, તો અમારી પાસે તમારા માટે એક સરસ ઉપાય છે.

દેશભરમાં લોકોએ દિવાળીની તૈયારીઓ શરૂ કરી દીધી છે. પછી ભલે તે સફાઈનું કામ હોય, પેઈન્ટિંગનું કામ હોય કે ગિફ્ટ ખરીદવાનું. કોને કઈ ભેટ આપવી, કેટલી મીઠાઈઓ બનાવવી, મોટાભાગના ઘરોમાં આ બધી વસ્તુઓ અગાઉથી તૈયાર કરવામાં આવે છે. પરંતુ હવે ભેટની આપ-લે થઈ રહી છે ત્યારે ભેટને વીંટાળવા માટે મોટા પ્રમાણમાં પ્લાસ્ટિક અને કાગળના રેપરનો જ ઉપયોગ થશે.

આપણે બધા પ્લાસ્ટિકના નુકસાન વિશે જાણીએ જ છીએ અને કાગળ માટે વૃક્ષો કાપવામાં આવે છે તે પણ, તો આ વખતે કંઈક અલગ કેમ ન કરીએ. આ દિવાળી પ્રકૃતિ સાથે કેમ ન ઉજવાય! પહેલા કહ્યું તેમજ જો ખરેખર તમે પહેલેથી જ ગિફ્ટ રેપિંગની કોઈ ટકાઉ અને ઇકો-ફ્રેન્ડલી રીતો શોધી રહ્યાં છો, તો અમારી પાસે તમારા માટે એક શ્રેષ્ઠ ઉકેલ છે જે છે કેળાના પાન.

Similar Story

ભરૂચના શિક્ષકે એકલા હાથે બાથ ભીડી જળવાયુ પરીવર્તન સામે, વાવ્યા હજારથી પણ વધુ વૃક્ષો

ગુજરાતની એક સરકારી શાળાના અનોખા શિક્ષક. પ્રકૃતિ બચાવવા દરરોજ બે કલાક વહેલા આવે છે શાળાએ, જોત-જોતામાં વાવી દીધાં એક હજાર ઝાડ.

કેળાના પાંદડા 100% પર્યાવરણને અનુકૂળ અને ટકાઉ હોય છે. ઉપરાંત, જો તેનો ઉપયોગ કર્યા પછી ફેંકી દેવામાં આવે તો પણ તે જમીનમાં સરળતાથી કોહવાઈ પણ જાય છે. કેળાના પાન સરળતાથી ઉપલબ્ધ છે અને સસ્તા પણ છે. આનો ઉપયોગ કરીને, તમે જે ભેટ પેક કરશો તે પણ એકદમ અલગ દેખાશે અને તમારા આ પ્રકારની પહેલની ચોક્કસપણે અન્ય લોકો દ્વારા પ્રશંસા પણ કરવામાં આવશે.

આમ આ રીતે સરળ પગલાંઓ અનુસરીને તમે આ દિવાળી પ્રકૃતિમય રીતે ઉજવો:

તમે જે ભેટ પેક કરવા માંગો છો તેના કદના આધારે કેળાનું પાન પસંદ કરો.

ભેટને કેળાના પાનની મધ્યમાં મૂકો.

કેળાના પાનનો ઉપયોગ કરીને ભેટને પેક કરો.

તમે તેને બાંધવા માટે દોરીનો ઉપયોગ કરી શકો છો. જો જરૂરી હોય તો, કેળાના પાનની બાજુઓને ફોલ્ડ કરી શકાય છે અથવા તમે તેને જેમ છે તેમ છોડી શકો છો.

જો તમે પેકેજની સજાવટ કરવા માંગો છો, તો તમે તમારી આસપાસની કોઈપણ સુશોભન માટે યોગ્ય તેવી કુદરતી વસ્તુઓ શોધી તેનો ઉપયોગ કરી શકો છો. તમે પેકેજને સુશોભિત કરવા માટે ફૂલો અથવા બેરીનો પણ ઉપયોગ કરી શકો છો.

જો તમે તમારી ભેટોને પેક કરવાની અન્ય આ પ્રકારની જ જૈવિક તેમજ ટકાઉ રીતો વિશે જાણો છો, તો અમને ચોક્કસ લખો.

મૂળ લેખ: વિદ્યા રાજા

Similar Story

એક ગામ, જ્યાં તેલના ખાલી ડબ્બાઓમાંથી કબૂતરોને રહેવા માટે બનાવી છે કૉલોની

રાજસ્થાનના બુંદી જિલ્લાના નાના ગામ સાંકરદાનો રહેવાસી રાજેશ પશુ-પક્ષી પ્રેમી છે. ગ્રામજનો સાથે મળીને તેણે લગભગ 500 કબૂતરોની એવી વસાહત બનાવી છે, જેને જોઈને દરેક દંગ રહી જાય છે.