How To Grow Almond Plant At Home Gardening Tips By Expert

By Kishan Dave

November 23, 2021

શું તમે પણ તમારા બગીચામાં બદામનું ઝાડ વાવવા માંગો છો? જો હા! તો જાણી લો કઈ કઈ બાબતોનું ધ્યાન રાખવું છે ખુબ જ જરૂરી.

બદામ ગમે તે રીતે ખાઓ, પલાળેલી, શેકેલી કે કાચી! તેનો સ્વાદ ઓછો થતો નથી. તેને હલવા કે ખીરમાં ઉમેરવામાં આવે અથવા કેક પર ગાર્નિશ કરવામાં આવે, તે દરેક સ્વરૂપમાં ખૂબ જ સ્વાદિષ્ટ લાગે છે. માત્ર તેનો સ્વાદ જ નહીં, તે સ્વાસ્થ્ય માટે પણ ખૂબ લાભદાયક છે. બદામ મહત્વપૂર્ણ એન્ટીઑકિસડન્ટો, વિટામિન્સ અને ફાઇબરથી સમૃદ્ધ છે.

કદાચ આ જ કારણ છે કે અંબાલાના સરવિંદ ધીમાન તેમના ઘરની પાછળની જગ્યામાં બદામ ઉગાડી રહ્યા છે. સરવિંદ એગ્રોકેમિકલ કંપનીમાં મેનેજર હોવા છતાં કૂંડાઓમાં શાકભાજી અને ફળ ઉગાડવાનો તેમનો શોખ છે. થોડાં વર્ષો પહેલાં તેમણે પોતાના બગીચામાં બદામના છોડ વાવવાની ઈચ્છા થઇ. અને આજે તેમનો બદામનો છોડ ચાર ફૂટથી વધુ ઊંચાઈનો થઈ ગયો છે.

Similar Story

એક સમયે કલર લાવવાના પણ પૈસા નહોતા ત્યારે આજે ફક્ત પોતાની કળાના જોરે જીતી જિંદગી

ચિત્રકામથી લઈને મડ વર્ક સુધીની કળા જાણતા કિશોરભાઈની સંઘર્ષની કહાની ખૂબ જ પ્રેરણાદાયક છે. આજે જ્યારે દિવસેને દિવસે વ્યક્તિની કળાનું મૂલ્ય ઘટી રહ્યું છે ત્યારે ફક્ત તેના જ જોરે જિંદગીમાં પગભર થયા છે ભુજના કિશોરભાઈ.

બદામનો છોડ ઉગાડવો સરળ ન હતો
સરવિંદ માટે ઘરે બદામ ઉગાડવી સરળ ન હતી. તેમણે રસ્તાઓ શોધવા માટે ઇન્ટરનેટ પર ઘણું સંશોધન કર્યું, ઘણા લેખો વાંચ્યા અને વીડિયો પણ જોયા અને પછી તેમને બદામના છોડ ઉગાડવામાં સફળતા મળી. સરવિંદે સ્ટોરમાંથી ખરીદેલી બદામમાંથી ઘરે છોડ ઉગાડવા માટેના ત્રણ સરળ પગલાં જણાવ્યા જે નીચે મુજબ છે.

તે કહે છે, “સૌ પ્રથમ તો બજારમાંથી શ્રેષ્ઠ ગુણવત્તાની બદામ ખરીદો. હવે ઘણી બધી બદામમાંથી સારી બદામ પસંદ કરો અને તેને 24 કલાક પાણીમાં પલાળી રાખો. કોઈપણ પ્રકારની ફૂગથી બચવા માટે પાણીમાં તજ પણ ઉમેરો.

આ પછી, બદામને ટિશ્યુ પેપરમાં લપેટીને ઠંડી જગ્યાએ રાખો. આ બદામને એર ટાઈટ કન્ટેનરમાં બંધ કરીને થોડા દિવસો માટે ફ્રિજમાં રાખવી વધુ સારું રહેશે. રેફ્રિજરેટરનું તાપમાન 0 થી 10 ° સે વચ્ચે હોવું જોઈએ.

ધીરજનું ફળ
જ્યારે બદામ ફૂટે છે, ત્યારે તેને જમીનમાં રોપવાનો સમય આવી જાય છે. આ છોડને 10-15 દિવસમાં એકવાર પાણીની જરૂર પડે છે. પાણીની જરૂરિયાત કુંડામાં રહે ભેજના પ્રમાણ આધારે નક્કી કરી શકો છો.

ફણગાવેલી બદામના વાવેતર માટે જમીનમાં વર્મી કમ્પોસ્ટ અને ગાયનું છાણ મિક્સ કરો. રેતાળ અને ચીકણી માટીનું મિશ્રણ પણ આ છોડ માટે સારું કામ કરે છે.

સરવિંદે છોડને જીવાતો કે જંતુઓથી બચાવવા માટે કોઈ વધારાના પ્રયાસો કર્યા નથી. તેમનો આ છોડ દરેક ઋતુમાં ઉગે છે.

સરવિંદના મતે બદામનો છોડ નવેમ્બર પહેલા લગાવવો જોઈએ જેથી માર્ચના સમય સુધીમાં, તે સારી રીતે ખીલે છે.

સોશિયલ મીડિયા પર લોકો એ કર્યું પસંદ
નવેમ્બર 2020 માં, તેમણે ફેસબુક પર તેમના નવા ઉગાડેલા છોડની તસવીરો પોસ્ટ કરી. આ અંગે તેમને લોકો તરફથી ઘણી પ્રતિક્રિયાઓ મળી હતી. કોઈ તેમને અભિનંદન આપી રહ્યું હતું તો કોઈ તેમને પૂછી રહ્યું હતું કે તેમણે આ કેવી રીતે કર્યું!

તે કહે છે, “મારા ઝાડની બદામનો સ્વાદ લેવા માટે મારે ત્રણ કે ચાર વર્ષ રાહ જોવી પડશે. બીજમાંથી વાવેલ બદામનું ઝાડ વર્ષો પછી ફળ આપે છે. આ માટે ઘણી ધીરજની જરૂર છે.

Similar Story

પ્રકૃતિ સાથે જોડાઈ વેલેન્ટાઈન ડેને બનાવો થોડો વધારે ખાસ, પસંદ કરો ઈકો ફ્રેન્ડલી ભેટ

વેલેન્ટાઈન ડે માટે ગિફ્ટની શોધ કરી રહ્યા છો? તો આ રહ્યુ 10 બેસ્ટ ઈકો ફ્રેન્ડલી ગિફ્ટ્સનું લિસ્ટ, અમેઝોન ઈન્ડિયામાંથી સરળતાથી ખરીદી શકશો

Similar Story

મશરૂ કાપડ અને તેનો ઇતિહાસ, જાણો કેવી રીતે આ કળા સાચવી રાખી છે પાટણના ખત્રી સમુદાયે

મશરૂ એક શાહી હસ્તકલા હતી, જેનું ઉત્પાદન 1900 ના દાયકા સુધી સ્થાનિક ભદ્ર અને નિકાસ બજારો માટે મોટી માત્રામાં કરવામાં આવતું હતું. આજકાલ, ફક્ત ગુજરાતના નાના શહેરો, ખાસ કરીને પાટણ અને માંડવીના વણકર જ આ હસ્તકલાની પ્રેક્ટિસ કરે છે.