સગડી પર હાથથી પંખો નાખી-નાખી થાકી જતાં હતાં દાદી, એક પહેલથી ઈન્ટરનેટ પર બન્યાં વાયરલ
કર્ણાટકના બેંગલુરૂમાં મકાઈનાં શેકેલાં દોડાં વેચી જીવન નિર્વાહ કરતાં 75 વર્ષિય સેલ્વમ્મા દાદી છેલ્લા કેટલાક દિવસોથી ઈન્ટરનેટ પર છવાયેલ છે. તેનું કારણ છે મકાઈનાં દોડાં શેકવા તેમનો અનોખો અને આધુનિક ટેક્નોલૉજીવાળો આ ઉપાય.
છેલ્લા બે દાયકાથી બેંગલુરૂ વિધાનસભાની બહાર મકાઈનાં દોડાં વેચી રોજીરોટી રળતાં સેલ્વમ્મા દાદી હંમેશાં હાથેથી પંખો નાખી કામ ચલાવતાં હતાં, જેમાં તેમને બહુ મહેનત કરવી પડતી હતી અને કોલસા પાછળ પણ બહુ ખર્ચ કરવો પડતો હતો. પરંતુ જીવનના આ રોજિંદા સંઘર્ષ સામે પણ તેઓ હાર્યાં નહીં અને ક્યારેય કોઈની પાસે દયાની ભીખ ન માંગી.
આ જોતાં સેલ્કો ફાઉન્ડેશન એનજીઓ આગળ આવ્યું. આ એનજીઓ સતત ઉર્જાનાં સમાધાનો માટે કાર્યરત છે. સેલ્કોએ જ્યારે સેલ્વમ્મા દાદીને રોજ આમ સંઘર્ષ કરતાં જોયાં તો તેમણે તેમની મદદ કરવાનું નક્કી કર્યું.
સેલ્કો ફાઉન્ડેશને તેમને એક સોલર ફેન એટલે કે સૌર ઉર્જાથી ચાલતો પંખો આપ્યો. આ સોલર-ફેનથી સેલ્વમ્મા દાદીનું જીવન બહુ સરળ બની ગયું છે. હવે તેમને ક્યારેય હાથેથી પંખો નાખવો નથી પડતો. આ સોલર ફેન સૂરજ આથમ્યા બાદ પણ કલાકો સુધી કામ કરે છે. સાથે-સાથે તેના કારણે કોલસાની ખપત પણ બહુ ઘટી ગઈ છે.
જો તમે ક્યારેય બેંગલુરૂ જાઓ તો આ હાઈ-ટેક લારીવાળાં અમ્માના હાથનું મકાઈનું દોડુ ખાવાનું ન ભૂલતા.
આ પણ વાંચો: MBA થયેલાં સરપંચે બદલી નાખી સૂરત, દર વર્ષે 25 લાખ લીટર વરસાદનું પાણી બચાવે છે આ ગામ
જો તમને આ લેખ ગમ્યો હોય અને જો તમે પણ તમારા આવા કોઇ અનુભવ અમારી સાથે શેર કરવા ઇચ્છતા હોય તો અમને gujarati@thebetterindia.com પર જણાવો, અથવા Facebook અમારો સંપર્ક કરો.
We bring stories straight from the heart of India, to inspire millions and create a wave of impact. Our positive movement is growing bigger everyday, and we would love for you to join it.
Please contribute whatever you can, every little penny helps our team in bringing you more stories that support dreams and spread hope.
This story made me
-
97 -
121 -
89 -
167
Tell Us More
