Business In India Bhajiya Making Machine By Indian Innovator

By Mansi Patel

November 22, 2021

લોકો ભજીયાં ખાવા આવે અને ભજીયાં તૈયાર ન હોય એટલે કોઈવાર પાછા જવું પડે એ જોઈ માત્ર 12 પાસ બસંતકુમારે બનાવ્યું ભજીયાં બનાવતું મશીન.

કહેવાય છે કે જરૂરિયાત એ શોધની જનની છે. જો કોઈને તેના કામ માટે કોઈ વસ્તુની જરૂર હોય અને તે ઉપલબ્ધ ન હોય તો માણસ કોઈને કોઈ વિચારથી તે વસ્તુ બનાવે છે. જેમ કે છત્તીસગઢના બસંતકુમાર ચંદ્રાકરે કર્યુ છે. રાજનાંદગાંવ જિલ્લાના ગઠુલામાં મુંગોડી (મગની દાળનાં ભજીયાં) અને ભજીયાની દુકાન ચલાવતા બસંત કુમારે ‘મુંગોડી/ભજીયા બનાવવાનું મશીન’ બનાવ્યું છે. જેનો તે માત્ર પોતાની દુકાનમાં જ ઉપયોગ નથી કરી રહ્યો, પરંતુ બીજા પણ ભજીયાનું કામ કરતા લોકોને બનાવીને આપી ચુક્યો છે.

ધ બેટર ઈન્ડિયા સાથે વાત કરતા બસંતે કહ્યું, “મેં 12મા ધોરણ સુધી અભ્યાસ કર્યો છે. આ પછી, ઘરની આર્થિક સ્થિતિ નબળી હોવાને કારણે, તેણે રોજગારની તકો શોધવાનું શરૂ કર્યું. ઘણા અલગ-અલગ કામો કર્યા બાદ લગભગ નવ વર્ષ પહેલા આ ભજીયા સેન્ટર શરૂ કર્યું હતું. સવાર-સાંજ ઘણા લોકો મારા સ્ટોલ પર નાસ્તો કરવા આવે છે. તેનાંથી સારું કામ ચાલી રહ્યુ છે. સાથે જ હું બે-ત્રણ લોકોને રોજગારી પણ આપી રહ્યો છું. પરંતુ શરૂઆતના દિવસોમાં મને ઘણી સમસ્યાઓનો સામનો કરવો પડ્યો હતો.”

Similar Story

રિક્ષાચાલકના પુત્રએ બનાવ્યુ મશીન, અડાડ્યા વગર ઉપાડશે કચરો, રાષ્ટ્રપતિએ આપ્યું સન્માન

એક સમયે દેશ માટે સ્વચ્છતા કાર્ટની કરી હતી શોધ, આજે પાઈ-પાઈ માટે છે લાચાર

બજારમાં ન મળ્યુ, તો જાતે બનાવ્યુ મશીન
બસંતની સૌથી મોટી સમસ્યા એ હતી કે તે હાથથી ભજીયા બનાવતો હતો, જેમાં ન ઈચ્છીને પણ વધારે સમય લાગતો હતો. પરંતુ તેની દુકાનમાં સવાર-સાંજ ખૂબ ભીડ રહે છે. તેથી, જો કોઈ વિલંબ થાય, તો ગ્રાહકો પાછા જતા રહેતા હતા. બસંત કહે છે કે, આવેલા ગ્રાહકો પાછા જતા રહેતા હતા, જેને કારણે નુકસાન જઈ રહ્યુ હતુ. તેથી તેણે વિચાર્યું કે ભજીયા બનાવવા માટે કોઈ મશીન ખરીદવું જોઈએ. તમે એક સમયે હાથથી માત્ર એક જ ભજીયું બનાવી શકો છો. પરંતુ મશીન વડે તમે એક સમયે અનેક ભજીયા એક પેનમાં મૂકી શકો છો.

બસંત કુમાર કહે છે કે તેણે નજીકના બજારમાં શોધખોળ કરી પરંતુ તેની દુકાન માટે ભજીયા બનાવવાનું મશીન મળ્યું નહીં. “મને એક નાનું મશીન જોઈતું હતું જે મારી દુકાન માટે પૂરતું હોય. પણ બજારમાં એવું કંઈ જ મળતું નહોતું અને જે મોટા મશીનો ઉપલબ્ધ હતા તે બધા ઈન્ડસ્ટ્રીયલ લેવલના હતા. જેથી તમે ખૂબ મોટી માત્રામાં ભજીયા બનાવી શકો. તેથી મેં વિચાર્યું કે શા માટે હું જાતે જ કંઈક કરું. મને આ પ્રકારના કામની ઓછી જાણકારી છે, તેથી મેં મારું પોતાનું જ ભજીયા બનાવવાનું મશીન બનાવવાનું નક્કી કર્યુ.”

નેશનલ ઇનોવેશન ફાઉન્ડેશન કેવી રીતે પહોંચ્યા?
બસંત દરરોજ સવારે વહેલા ઊઠીને આ મશીન પર કામ કરતો હતો. ઘણા મહિનાઓ સુધી કામ કર્યા પછી, તેણે લગભગ પાંચ વર્ષ પહેલા ભજીયા બનાવવાનું મશીન તૈયાર કર્યું. જેને તે આટલા વર્ષો સુધી મોડિફાઈ કરતા રહ્યા અને છેલ્લે વર્ષ 2020માં તેણે પોતાનું સર્વશ્રેષ્ઠ મોડલ બનાવ્યું. તેમણે કહ્યું, “આ મશીનના બે ભાગ છે. સૌ પ્રથમ, તમે તળિયે મગમાં બેટર ભરી શકો છો. પછી તેના ઉપરના ભાગ વડે તેને દબાવતા રહો અને તળિયે બનાવેલા કાણાંમાંથી ભજીયા પેનમાં બનાવી લો. આ મશીનથી તમે 10 મિનિટમાં એક કિલો ભજીયા સરળતાથી તૈયાર કરી શકો છો.”

તેણે ડિઝાઈન કરેલા પહેલા મોડલને બનાવવામાં લગભગ 700 રૂપિયાનો ખર્ચ થયો હતો. વર્ષ 2018માં, તેને આ મશીનને નેશનલ ઈનોવેશન ફાઉન્ડેશન દ્વારા ઈન્ડિયા ઈન્ટરનેશનલ સાયન્સ ફેસ્ટિવલ, લખનૌમાં પ્રદર્શિત કરવાની તક મળી. તેણે કહ્યું, “મેં એકવાર ઈન્ટરનેટ પર સર્ચ કર્યું કે શું એવી કોઈ સંસ્થા છે કે જે આવા નાના ઈનોવેશનને પ્રોત્સાહન આપે છે. પછી મને નેશનલ ઈનોવેશન ફાઉન્ડેશન વિશે ખબર પડી. મેં મારા અને મારા મશીન વિશે વિગતો લખીને તેમને પોસ્ટ કર્યા. જે બાદ તેમની બાજુથી એક ટીમ આવી અને મશીન ચેક કર્યું અને પછી મને લખનૌ જવાની તક મળી.”

અત્યાર સુધીમાં લગભગ 100 મશીન વેચ્યા છે
બસંત કુમાર કહે છે કે તેમને નેશનલ ઈનોવેશન ફાઉન્ડેશન તરફથી 25,000 રૂપિયાની ગ્રાન્ટ મળી હતી. જેની મદદથી તે ફેસ્ટિવલમાં પ્રદર્શિત કરવા માટે મશીનો બનાવી શક્યા અને સાથે સાથે એક સારું વેલ્ડીંગ મશીન પણ ખરીદી શક્યા. આ વેલ્ડીંગ મશીનની મદદથી, તેમના માટે તેમના જૂના ભજીયા બનાવવાના મશીનમાં ફેરફાર કરવાનું ખૂબ જ સરળ બન્યું. ઉપરાંત, તે બીજા ઘણા વિચારો પર કામ કરી રહ્યા છે. જેમ કે, તેમણે રસ્તા પરથી કચરો સાફ કરવા માટે ક્લિનિંગ મશીન પણ બનાવ્યું છે.

જો કે તેમના આ મશીનને વધુ ઓળખ મળી નથી. પરંતુ તેમનું ભજીયા બનાવવાનું મશીન અત્યાર સુધીમાં અન્ય 100 જેટલી નાની-મોટી દુકાનો કે સ્ટોલ સુધી પહોંચી ચૂક્યું છે. તેમની દુકાને ઘણા લોકો આવે છે અને ગ્રાહકો દ્વારા વિસ્તારના ઘણા લોકોને તેમના મશીન વિશે ખબર પડી છે. તેથી જ અન્ય લોકો, જેઓ ભજીયા બનાવવાનું કામ કરે છે, તેઓ તેમની પાસે આવ્યા અને મશીનનો ઓર્ડર આપવા લાગ્યા. તેમણે બનાવેલા પહેલા મોડલના લગભગ 80 મશીનો
વેચ્યા અને હવે નવા મોડલના લગભગ 20 મશીનો વેચ્યા છે.

લોકોની જરૂરિયાત મુજબ મશીનો બનાવો
નાગપુરમાં પોતાની મુંગોડી અને ભજીયાની દુકાન ચલાવતા મનીષ સાહુ કહે છે કે આ મશીન તેમણે ચાર વર્ષ પહેલા બસંત પાસેથી ખરીદ્યું હતું. “અમારા એક સંબંધી બસંત જીના ગામ પાસે રહે છે. તેણે મને આ મશીન વિશે કહ્યું અને મેં મારી દુકાન માટે મશીન બનાવડાવ્યુ. પહેલા હાથથી ભજીયા બનાવવામાં 15-20 મિનિટ લાગતી હતી, પરંતુ હવે મશીનથી આ કામ પાંચ-દસ મિનિટમાં થઈ જાય છે. તેના કારણે અમારું કામ પણ વધી ગયું છે. પહેલા દિવસે માત્ર 10 કિલો ભજીયા વેચાતા હતા, પરંતુ હવે અમે 40 કિલો ભજીયા વેચીએ છીએ,” તેમણે કહ્યું.

બસંત કુમાર કહે છે કે તેઓ ભજીયા બનાવવાનું મશીન બનાવીને લોકોને તેમની જરૂરિયાત મુજબ આપે છે. જો તમે તેમની પાસેથી આ મશીન ખરીદવા માંગતા હોવ તો તમે તેમને 7000816817 પર કૉલ કરી શકો છો.

મૂળ લેખ: નિશા ડાગર

Similar Story

અમદાવાદના આ ભાઈ વેસ્ટ વસ્તુઓમાંથી સરળ રીતે સમજાવે છે વિજ્ઞાન, કલામ પણ થયા હતા પ્રભાવિત

વિજ્ઞાન બાબતે નક્કર કાર્ય કરનાર વ્યક્તિ જેટલી મહત્વની હોય છે તેટલી જ એ વ્યક્તિ પણ કે જે જટિલ વૈજ્ઞાનિક અભિગમોને એકદમ સરળ ભાષા અને પ્રયોગ દ્વારા સામાન્ય માનવી સુધી લઈ જઈ શકે. આવા જ એક વ્યક્તિ છે આપણા અમદાવાદમાં જ રહેતા ધનંજયભાઈ રાવલ.