તે સમયે દાઉદી વહોરા સમુદાય દ્વારા લાકડાના ઉપયોગથી બનાવવામાં આવ્યાં હતાં આ ઘર.
પહોળાઈમાં સાંકડાં પણ લાંબાં આ ઘરમાં બરાબર વચ્ચે ચોક હોય છે, હવા ઉજાશ માટે.
નિયોક્લાસિકલ શૈલીનાં આ ઘર જોતાં આપણને એમજ અનુભવાય કે, વિક્ટોરિયન યુગમાં સફર કરી રહ્યા છીએ.
આ લોકો વેપારી હોવાથી અવાર-નવાર વિદેશ પ્રવાસ કરતા, અને તેમના અનુભવોની ઝાંકી જોવા મળે છે આ ઘરોમાં.
સિદ્ધપુરની આ ગલીઓની મુલાકાત તમને ચોક્કસથી એક-બે સદી પહેલાંના યુરોપિયન દેશોની સફર કરાવશે.