આજના જમાનામાં ભાગ્યે જ કોઈ હશે, જેને વાળને લગતી કોઈ તકલીફ ન હોય. કેટલાક વાળ ખરવાથી પરેશાન થાય છે, તો કેટલાકને વાળ વહેલાં સફેદ થવાથી. ઘણા લોકો વાળમાં ડેન્ડ્રફની સમસ્યાથી ખૂબ જ પરેશાન હોય છે. વિવિધ પગલાં લીધા પછી પણ, તેમને સારા પરિણામ મળતા નથી. જેમકે કેરળના વતની શ્રીવિદ્યાની પુત્રી ગાયત્રીની સાથે થઈ રહ્યુ હતું.
તિરુવનંતપુરમમાં રહેતા શ્રીવિદ્યા એમ.આર. તેની પુત્રીના વાળમાં ડેંડ્રફની સમસ્યાથી ખૂબ પરેશાન હતા. આ સમસ્યામાંથી છૂટકારો મેળવવા તેમણે વિવિધ વસ્તુઓનો ઉપયોગ કર્યો, પરંતુ કોઈ સમાધાન આવ્યું નહીં. પરંતુ, એવું કહેવામાં આવે છે કે જો માતા કંઇક કરવાનું નક્કી કર્યું છે, તો તેણે તે કરવું જ જોઇએ. શ્રીવિદ્યાના કિસ્સામાં પણ આવું જ કંઇક બન્યું હતું, તેમણે ન માત્ર તેમની પુત્રીની સમસ્યાનું સમાધાન જ શોધ્યુ, પરંતુ તે આજે લાખો લોકોની વાળની સમસ્યાનું સમાધાન આપી રહી છે.
આ કહાની વર્ષ 2016માં શરૂ થઈ હતી, જ્યારે ગાયત્રીના વાળમાં બહુજ વધારે ડેન્ડ્રફ થવાનું શરૂ થયું હતું. ગાયત્રી તે સમયે આઠમા ધોરણમાં હતી. શ્રીવિદ્યા કહે છે, “જ્યારે પણ હું કોઈ ડેન્ડ્રફ રિમૂવિંગ શેમ્પૂ, તેલ જેવા કોઈ પ્રોડક્ટની જાહેરાત જોતી, ત્યારે હું તેને ગાયત્રી માટે તરત જ ખરીદતી હતી. મેં ઘણાં બધાં શેમ્પૂ, તેલ ખરીદ્યાં છે જેણે ખોડોને મૂળમાંથી દૂર કરવાનો દાવો કર્યો હતો, પરંતુ, તેમાં કોઈ ફરક પડ્યો નહોતો.”
આ દરમિયાન શ્રીવિદ્યાએ તેની માતાને શું કરવું તે પૂછ્યું. ત્યારબાદ તેની માતાએ તેને ઘરે બનાવેલા તેલની પરંપરાગત પદ્ધતિ વિશે જણાવ્યુ હતુ. તે કહે છે, “મારે ક્યારેય નાનપણમાં ખોડો ન હતો અને તે કદાચ તે તેલ હતું જે મારી માતા બનાવતા હતા” તેથી, મેં પણ આ તેલ મારી પુત્રી માટે બનાવવાનું વિચાર્યું.”
આ તેલ બનાવવા માટે, તેની માતાએ તેને એક કિલો તાજા નાળિયેર દૂધ, કુંવારપાઠું, આમળા, ગુડહલ અને અન્ય કેટલીક સામગ્રી ખરીદવાનું કહ્યું. તે જણાવે છે કે તેલ બનાવવા માટે, બધી સામગ્રીઓેને યોગ્ય માત્રામાં મિશ્રિત કરવી પડે છે. દરેક વસ્તુનું પોતાનું મહત્વ છે અને તે ત્યારે જ કાર્ય કરે છે, જ્યારે તમે તેને યોગ્ય માત્રામાં મિક્સ કરો છો. તેથી, તેણે બધી વસ્તુઓ તેની માતાના કહેવા મુજબ મિક્સ કરી.
તેઓ આગળ કહે છે કે, “ગાયત્રીને ડેન્ડ્રફના કારણે ખૂબ જ ખંજવાળ આવતી હતી. તેથી, હું તેના માટે શ્રેષ્ઠ તેલ તૈયાર કરવા માંગતી હતી. આ તેલ તૈયાર કરવામાં ત્રણ કલાકનો સમય લાગ્યો. મારા મનમાં એક ચિંતા પણ હતી કે જો આ તેલ પણ કામ નહીં કરે તો શું થશે? “
શ્રીવિદ્યાએ તેની માતા સાથે મળીને આ તેલ તૈયાર કર્યું. આશ્ચર્યની વાત એ હતીકે, આ તેલના ઉપયોગથી, થોડા અઠવાડિયામાં, ગાયત્રીના વાળમાંથી ખોડો સંપૂર્ણપણે ગાયબ થઈ ગયો. તેના વાળ સ્વસ્થ થવા લાગ્યા. તે કહે છે કે ગાયત્રીના વાળ પહેલા ઘેરા ભુરા હતા પરંતુ આ પરંપરાગત તેલના ઉપયોગ પછી તેના વાળ કાળા થવા લાગ્યા. ગાયત્રીના વાળમાં પરિવર્તન જોઇને તેના મિત્રો અને શિક્ષકો પણ તેને પૂછવા લાગ્યા કે આ કેવી રીતે શક્ય થયુ? ગાયત્રી તેને તેની માતાની વિશેષ તેલના નુસ્ખા રેસીપી વિશે જણાવ્યુ.
પુત્રી સાથે આગળ વધ્યા:
ટૂંક સમયમાં, શ્રીવિદ્યાનો તેની પુત્રીના મિત્રો અને શિક્ષકો દ્વારા તેલ માટે પણ સંપર્ક કરવામાં આવ્યો. તે કહે છે, “આમ તો મેં આ તેલ મારી પુત્રીની ડેન્ડ્રફની સમસ્યાને દૂર કરવા માટે બનાવ્યું છે, પરંતુ તેના શિક્ષકોએ કહ્યું કે આનાથી તેના વાળ પણ ઝડપથી વધવા લાગ્યા છે.” મને એ સાંભળીને ખૂબ જ આનંદ થયો કે મારું તેલ ફક્ત મારી દીકરીને જ નહીં, પણ અન્ય લોકોને પણ મદદ કરી રહ્યું છે.”
શ્રીવિદ્યાએ પણ તેની પુત્રી સાથે આ તેલનો ઉપયોગ શરૂ કર્યો હતો અને તેના મિત્રો અને સબંધીઓએ પણ આ વિશે પૂછવાનું શરૂ કર્યું હતું. આ રીતે, ઘરેલું તેલની પદ્ધતિ, એક સારા તેલનાં રૂપમાં વિકસિત થવા લાગી અને વર્ષ 2018માં, શ્રીવિદ્યાએ તેની શરૂઆત શરૂ કરી. તે જણાવે છે, “મેં આ વ્યવસાયનો વિચાર મારા મિત્ર સાથે શેર કર્યો. તેઓએ તેલ ઉત્પાદન કરવા માટે મને ટેકો આપ્યો.” પોતાનું સ્ટાર્ટઅપ શરૂ કરવા માટે તેણે ચાર લાખ રૂપિયાની પર્સનલ લોન લીધી હતી.
પહેલા તેમનું તેલ ફક્ત સ્થાનિક સ્ટોર્સમાં જતું હતું પરંતુ હવે તે આખા કેરળમાં ઉપલબ્ધ છે.
42 વર્ષીય શ્રીવિદ્યા યાદ કરતા કહે છે, “જ્યારે અમે સ્ટાર્ટઅપ શરૂ કર્યું ત્યારે ફેસબુકે અમને ખૂબ મદદ કરી. મને યાદ છે, જ્યારે મેં તેલની બોટલનો પહેલો ફોટો પોસ્ટ કર્યો, ત્યારે થોડા જ દિવસોમાં લોકોએ તેના વિશે મને પૂછવાનું શરૂ કર્યું. ઘણા ગ્રાહકો દ્વારા તેનો ઉપયોગ કર્યા પછી, અમારા પેજ પર રિવ્યૂ પણ લખ્યા અને તેમને જોતા, વધુ ગ્રાહકો કનેક્ટ થવા લાગ્યા.” આ સ્ટાર્ટઅપ હેઠળ હાલમાં ફક્ત એક જ પ્રોડક્ટ ‘નંદિકેશમ’ તેલ વેચાઇ રહ્યું છે. પરંતુ, ગ્રાહકોની માંગ પર તે હર્બલ શેમ્પૂ, સફેદ થઈ રહેવાં વાળ માટે ઈન્ડિગો તેલ અને સેનિટાઈઝર પણ બનાવે છે.
તે કહે છે, “100 મીલી તેલનો ભાવ રૂપિયા 350 છે, 200 મીલીની કિંમત 680 રૂપિયા છે અને 500 મીલીની કિંમત 1700 રૂપિયા છે.”
બધા પ્રકારનાં વાળ માટે અસરકારક:
તેણી આગળ જણાવે છે કે જ્યારે તેની તેલની માંગમાં વધારો થવા લાગ્યો ત્યારે તેણે તિરુવનંતપુરમના પલ્લીમુક્કુ ખાતે તેના એક એકમની સ્થાપના કરી. અહીં ત્રણ કર્મચારી તેની સાથે કામ કરે છે. તેના તમામ ઉત્પાદનોનું પરીક્ષણ તેની પુત્રી ગાયત્રી દ્વારા કરવામાં આવે છે, જે તેના બ્રાન્ડની ‘ટેસ્ટર-ઇન-ચીફ’ છે.
તે કહે છે, “મારી પુત્રી હંમેશા ઉત્પાદનો વિશે યોગ્ય સમીક્ષા આપે છે. આલોચક હોવાની સાથે, તે મારું સૌથી મોટું પ્રોત્સાહન પણ છે.” તેલ વિશે, તે કહે છે કે તેમની પુત્રીને આ તેલથી તણાવ મુક્ત રહેવામાં પણ મદદ મળે છે. ઘણી વાર, જો તે અસ્વસ્થ થયા પછી સૂઈ શકતી નથી, તો તે આ તેલ લગાવે છે અને તેને ખરેખર રાહત મળે છે. શ્રીવિદ્યા કહે છે કે પુત્રીના ચહેરા પર ખુશી જોઈને તેણીને તેના પ્રોડક્ટ ઉપર વધારે ગર્વ છે. આ ઉત્પાદન દરેક માટે છે.
બાળકોથી લઈને વડીલો સુધીના કોઈપણ પ્રકારનાં વાળ માટે,તમે આ તેલનો ઉપયોગ કરી શકો છો. તે જણાવે છે કે તમામ સામગ્રી જૈવિક ખેડૂતો પાસેથી સ્થાનિક રૂપે ખરીદવામાં આવે છે. ઉદાહરણ તરીકે, ઈન્ડિગો પ્લાન્ટ, કપૂર પ્લાન્ટ, ગુડહલ, આમળા વગેરે. ઉપરાંત, તેઓ કહે છે કે તેમના તમામ ઉત્પાદનો ડોકટરો દ્વારા તપાસ્યા પછી જ ગ્રાહકો સુધી પહોંચે છે.
તે કહે છે, “હું મારા ઉત્પાદનો વેચીને દર મહિને 3 લાખ રૂપિયાની કમાણી કરું છું. ધંધાને આગળ વધારવા માટે નફાનો ઉપયોગ કરવામાં આવી રહ્યો છે. હું આ વર્ષે આયુર્વેદિક સાબુ અને ફેસ વોશ પણ બનાવવા માંગુ છું. ” કર્ણાટક, મુંબઇ, દિલ્હી અને હૈદરાબાદ જેવા સ્થળોએ પણ તેમના ઉત્પાદનોની માંગ છે.
તમે તેમના ઉત્પાદનને ખરીદવા માટે એમેઝોન વેબસાઇટ પર જઈ શકો છો. અથવા તમે તેમની પોતાની વેબસાઇટ અને ફેસબુક પેજ પર પણ સંપર્ક કરી શકો છો. આ સિવાય તમે તેમને 9446774222, 9497060310 પર પણ કોલ કરી શકો છો.
સંપાદન: નિશા જનસારી
આ પણ વાંચો: પરિવારનાં ડેરી ફાર્મને આગળ વધારનારી 21 વર્ષીય શ્રદ્ધા ધવન, મહિને કરે છે 6 લાખ રૂપિયાની કમાણી
જો તમને આ લેખ ગમ્યો હોય અને જો તમે પણ તમારા આવા કોઇ અનુભવ અમારી સાથે શેર કરવા ઇચ્છતા હોય તો અમને gujarati@thebetterindia.com પર જણાવો, અથવા Facebook અમારો સંપર્ક કરો.
