GSRTC Bus Tracking By Rapid Go App To Save Time

By Kishan Dave

November 17, 2021

બસમાં ભાગ્યે જ મુસાફરી કરતા હોવ કે નિયમિત આ એપ તમારા માટે બહુ કામની છે. જેમાં તમે તમારા રુટની બધી જ બસો અને તેમના સમયની સાથે-સાથે તે અત્યારે ક્યાં પહોંચી તે પણ જાણી સકશો.

અત્યારે ઘણા લોકો બસ મોડી પડવી કે બસ ના મેળવી તે બધી બાબતોથી મૂંઝાયેલા હોય છે અને તે માટે તેઓ ફક્ત જે તે બસ સ્ટેશન પરની પૂછપરછની બારી પર આધાર રાખી બેઠા હોય છે જેમાં ઘણી વાર આપણે બસ ચુકી જઈએ છીએ અથવા આપણા ઘણા કલાકો વેડફાઈ જાય છે.

આજે ધ બેટર ઇન્ડિયા તમને આ બાબતે એક વ્યવસ્થિત અને સચોટ ઉકેલ આપી રહ્યો છે કે કોઈ પણ જગ્યાએ મુસાફરી કરતા પહેલા કઈ બસ કેટલે પહોંચી તે ઓનલાઇન કંઈ રીતે જાણવું.

Similar Story

એક સમયે કલર લાવવાના પણ પૈસા નહોતા ત્યારે આજે ફક્ત પોતાની કળાના જોરે જીતી જિંદગી

ચિત્રકામથી લઈને મડ વર્ક સુધીની કળા જાણતા કિશોરભાઈની સંઘર્ષની કહાની ખૂબ જ પ્રેરણાદાયક છે. આજે જ્યારે દિવસેને દિવસે વ્યક્તિની કળાનું મૂલ્ય ઘટી રહ્યું છે ત્યારે ફક્ત તેના જ જોરે જિંદગીમાં પગભર થયા છે ભુજના કિશોરભાઈ.

આ માટે તમારે એક એપ્લિકેશન ડાઉનલોડ કરવાની રહેશે જેનું નામ છે રેપિડ ગો (RapidGo). આ એપ્લિકેશન તમને પ્લે સ્ટોર પર મળી રહેશે. આ એપ્લિકેશન ડાઉનલોડ કર્યા પછી તમને તેમાં બે વિકલ્પ દેખાશે તેમાંથી એક નજીકનું કોઈ બસ સ્ટેશન શોધવા માટેનો વિકલ્પ હશે અને બીજો વિકલ્પ જે તે બસ શોધવા માટેનો હશે અને તમારે આ બસ શોધવા માટેના વિકલ્પ પર જ ટીક કરવાનું રહેશે.

એક વખત સર્ચ બસ પર ટીક કર્યા પછી તમારી સામે એક દ્રશ્ય આવશે કે જેમાં થોડી માહિતી માંગી હશે જેમકે તમારે ક્યાંથી ક્યાં મુસાફરી કરવી છે. તે માહિતી ઉમેર્યા પછી આગળ તમારા માટે ઉપલબ્ધ વિવિધ બસોનું ટાઈમ ટેબલ ખુલી જશે.

આ ટાઈમ ટેબલ પ્રમાણે જે બસો હવે મુકવાની હશે તેની નીચે SCHEDULE લખેલું હશે અને જે બસો પહેલાથી જ ઉપાડી ગઈ હશે તો તેના નીચે RUNNING લખેલું બતાવશે. આ RUNNING લખેલ બસ પર ટીક કરતા તમને તાત્કાલિક ખબર પડી જશે કે તમારે જે બસમાં જવું છે તે અત્યારે કેટલે પહોંચી છે.

આમ હવે આડેધડ મુસાફરી ના કરતા ટેક્નોલોજીના વિધિવત ઉપયોગ દ્વારા તમે જાણી શકશો કે તમારી બસ આખરે પહોંચી ક્યાં છે અને તમારા સ્ટેશન સુધી પહોંચતાં તેને કેટલી વાર લાગશે.

સંપાદન: નિશા જનસારી

આ પણ વાંચો: નવા વર્ષની રજાઓમાં સસ્તામાં ફરો ગુજરાત, IRCTC આપે છે ખાસ પેકેજ

જો તમને આ લેખ ગમ્યો હોય અને જો તમે પણ તમારા આવા કોઇ અનુભવ અમારી સાથે શેર કરવા ઇચ્છતા હોય તો અમને gujarati@thebetterindia.com પર જણાવો, અથવા Facebook અમારો સંપર્ક કરો.