પતિ-પત્ની બંનેને હતો બાગકામનો શોખ, ધ બેટર ઈન્ડિયાનો લેખ વાંચી ઘરે કંપોસ્ટ ખાતર બનાવ્યુંઅને ટેરેસને બનાવી દીધુ હરિયાળું ગાર્ડન
ગામડાના લોકો કામ અને અભ્યાસ અર્થે શહેરમાં આવે છે અને શહેરમાં જ રહે છે. ઘણીવાર આવા લોકોને ગામની આસપાસની જગ્યા અને ત્યાંની હરિયાળી યાદ આવે છે. તો, કેટલાક લોકો શહેરને તેમના ગામની જેમ હરિયાળું બનાવે છે. આજે અમે તમને આવા જ એક કપલ વિશે જણાવવા જઈ રહ્યા છીએ જે ગાર્ડનિંગના શોખીન છે.
વ્યવસાયે મિકેનિકલ એન્જિનિયર અને પટનામાં પોતાના કોચિંગ ક્લાસ ચલાવતા રિંકી અને અશોક સિંહ બંને છોડ અને વૃક્ષોના શોખીન છે.
જોકે રિંકી વર્ષોથી છોડ વાવે છે, પરંતુ પહેલા ફ્લેટમાં રહેતી વખતે તેને જગ્યાની અછત હતી. આમ છતાં રિંકીએ સોસાયટીની છતનો ઉપયોગ કરીને કુંડામાં 150 જેટલા છોડ વાવ્યા હતા. તો, તેના ઘરની બાલ્કનીમાં કેટલાક છોડ પણ લગાવવામાં આવ્યા હતા. તે શિયાળામાં સોસાયટીના ટેરેસ પર કેટલીક મોસમી શાકભાજી પણ લગાવતી હતી. પરંતુ તે સોસાયટીનો બગીચો હોવાથી તેમની સામે કેટલાક પડકારો પણ હતા.
તો, જ્યારે તેણે ત્રણ વર્ષ પહેલા પોતાનું ઘર બનાવ્યું ત્યારે તેને ઘણી જગ્યા મળી. હાલમાં તેમના ઘરની છત પર 2000 ચોરસ ફૂટથી વધુ જગ્યા છે.
ધ બેટર ઈન્ડિયા સાથે વાત કરતાં રિંકી કહે છે, “હું જૂના ઘરમાંથી એક ગુલાબનો છોડ લાવી છું, જેમાંથી મેં કટિંગ્સ લીધા છે અને નવા ઘરમાં 50 ગુલાબના છોડ વાવ્યા છે. મને ફૂલોનો ખૂબ શોખ છે, તેથી હું જે પણ નવું ફૂલ જોઉં છું, તે હું ચોક્કસપણે વાવું છું. મેં નજીકના બગીચાઓમાંથી કટીંગો લાવીને જાસૂદની ઘણી જાતોનું વાવેતર કર્યું છે.”
રિંકીના ગાર્ડનમાં, તમને ગુલાબની 12 જાતો, ચાંદની, જાસૂદ, લીલી, મોગરા, બોગનવેલિયા, ડાલિયા, જર્બેરા, રોઝમેરી, એડેનિયમ, બ્લેન્કેટ ફ્લાવર જેવા ઘણા ફૂલોના છોડ જોવા મળશે. આ ફૂલોની સુંદરતાને કારણે, તેમના ટેરેસનું વાતાવરણ ખૂબ જ ખુશનુમા રહે છે. તેના ઘરે આવનાર મહેમાનો પણ બગીચાની સુંદરતા જોઈને ખુશ થઈ જાય છે.
જ્યારે રિંકીને ફૂલોનો શોખ છે, તો તેના પતિને રોક બોંસાઈનો શોખ છે.
ઈન્ટરનેટ પરથી રોક બોન્સાઈ ઉગાડતા શીખ્યા
સામાન્ય રીતે બોંસાઈ ઘણા લોકો વાવે છે. પરંતુ તેમના બગીચામાં તમને બેસ્ટ રોક બોંસાઈનો સંગ્રહ પણ જોવા મળશે. અશોકે ઈન્ટરનેટ અને પુસ્તકોમાંથી શીખીને રોકબોન્સાઈ તૈયાર કરવાનું શરૂ કર્યું. તે વિયેતનામ, જાપાન અને ઈન્ડોનેશિયાના ગાર્ડનિંગને લગતી ચેનલો પરથી તેના વિશે માહિતી મેળવતો રહે છે. અશોક કહે છે, “હું આ માટે ગુજરાત અને અન્ય રાજ્યોમાંથી પથ્થરો મંગાવુ છું. તે જોવામાં ખૂબ જ સુંદર લાગે છે. મને તેનો હંમેશા શોખ હતો, પરંતુ નવા ઘરમાં શિફ્ટ થયા પછી મેં તે કરવાનું શરૂ કર્યું. તમે તમારી સર્જનાત્મકતાનો ઉપયોગ તેને અલગ દેખાવ આપવા માટે કરી શકો છો.”
તેમની પાસે હાલમાં 50 રોકબોન્સાઈનાં કુંડા છે. ફૂલો અને બોંસાઈ ઉપરાંત રિંકી મોસમી શાકભાજી પણ વાવે છે. તો, ફળોમાં, તેઓ માત્ર જામફળ અને સ્ટ્રોબેરી ધરાવે છે.
બાળકોને પણ ગમે છે બાગકામ
રિંકી અને તેના પતિ તેમનો મોટાભાગનો ફ્રી સમય વૃક્ષો અને છોડ સાથે વિતાવે છે. લોકડાઉન દરમિયાન, તેને છોડની સંભાળ લેવા માટે પણ સારો સમય મળ્યો. વાલીઓને ગાર્ડનિંગ કરતા જોઈને બાળકોમાં પણ ગાર્ડનિંગમાં રસ જાગ્યો છે. તેમની પુત્રી ચાર વર્ષની છે અને પુત્ર આઠ વર્ષનો છે.
રિંકી કહે છે, “મારો દીકરો ફળ ખાય છે અને તેની છાલ સીધી કમ્પોસ્ટનાં ડબ્બામાં નાખે છે અને તેના બીજ એક વાસણમાં ઉગાડે છે. તો, મારી પુત્રી ક્યારેય ઝાડમાંથી કોઈ ફૂલ કે પાન તોડતી નથી, કે તે બીજા કોઈને તોડવા પણ દેતી નથી.”
તેમના બાળકોને સ્ટ્રોબેરી ખાવાનું પસંદ હોવાથી તેમણે કુંડામાં આઠથી દસ સ્ટ્રોબેરી વાવી છે.
રિંકીનું માનવુ છે કે જો બાળકોમાં નાનપણથી જ વૃક્ષો અને છોડ માટે હકારાત્મક વિચારો હશે તો તેઓ ભવિષ્યમાં પર્યાવરણ પ્રત્યે જવાબદાર બનશે. જો તેઓ જગ્યાના અભાવે છોડ વાવી શકશે નહી, તો ઓછામાં ઓછી તેઓ વાવેલા છોડની ચોક્કસપણે રક્ષા કરશે.
ઘરના કચરામાંથી બને છે ખાતર
રિંકી જ્યારે સોસાયટીમાં રહેતી હતી ત્યારે તે કમ્પોસ્ટ બનાવવા માંગતી હતી. પરંતુ તે વિચારતી હતી કે તે એક બોજારૂપ કાર્ય હશે. તેથી જ તેણી ઈચ્છતી હોવા છતાં ખાતર બનાવતી ન હતી. પરંતુ અચાનક તેના વિશે ઓનલાઈન માહિતી મળતાં તે છેલ્લા ત્રણ વર્ષથી ઘરના ભીના કચરામાંથી ખાતર બનાવી રહી છે.
રિંકી કહે છે, “હું ધ બેટર ઈન્ડિયાનો એક લેખ વાંચીને કમ્પોસ્ટિંગ બનાવવાનું શીખી. મારા ઘરમાં જૂની પેઇન્ટની ઘણી ડોલ પડી હતી, જેમાં મેં ખાતર બનાવવાનું શરૂ કર્યું હતુ.”
બાગકામને લગતી માહિતી માટે તેઓ ઈન્ટરનેટ અને પુસ્તકો વાંચતા રહે છે અને અવનવા પ્રયોગો પણ કરતા રહે છે. રિંકી અને તેના પતિ તેમની વ્યસ્ત દિનચર્યામાંથી સમય કાઢીને બગીચાના તમામ કામ કરે છે. આ કામ માટે તેમણે ક્યારેય કોઈ માળીને રાખ્યો નથી.
અંતમાં, રિંકી કહે છે, “મોટા ભાગના લોકો એપાર્ટમેન્ટમાં રહેવાના બહાને છોડ નથી રોપતા, પરંતુ જો આપણે એપાર્ટમેન્ટમાં રહીને કૂતરો કે બિલાડી પાળી શકીએ તો ત્રણ કે ચાર છોડ આરામથી વાવી શકાય. આ માટે શોખ હોવો ખૂબ જ જરૂરી છે.”
મૂળ લેખ: પ્રીતિ ટૌંક
સંપાદન: નિશા જનસારી
આ પણ વાંચો: કચ્છમાં 1 જ વ્યક્તિ સાચવે છે બેલા બ્લોક કળા, રોજી ન મળતાં અન્ય લોકો બીજા ધંધે વળ્યા
જો તમને આ લેખ ગમ્યો હોય અને જો તમે પણ તમારા આવા કોઇ અનુભવ અમારી સાથે શેર કરવા ઇચ્છતા હોય તો અમને gujarati@thebetterindia.com પર જણાવો, અથવા Facebook અમારો સંપર્ક કરો.સકારાત્મકતાની ઝુંબેશ આગળ વધારવામાં અમને મદદ કરો
We bring stories straight from the heart of India, to inspire millions and create a wave of impact. Our positive movement is growing bigger everyday, and we would love for you to join it.
Please contribute whatever you can, every little penny helps our team in bringing you more stories that support dreams and spread hope.
This story made me
-
97 -
121 -
89 -
167
Tell Us More
